Արդեն 3-րդ շաբաթն է հայտնի մտքեր են ինձ այցելում

Հարց

Tue, 03 Nov 2009 16:21:26 GMT

Ո՞վ կարող է ասել, թե Հայաստանում որտեղ կարելի է ճարել asp.net հոստինգ:

Կենտրոնական բանկի նոր որոշումը

Tue, 27 Oct 2009 09:01:56 GMT

http://www.cba.am/CBA_SITE/downloads/Press_release_ARM/vor_20.10.09.pdf

Հոկտեմբերի 20-ին ՀՀ Կենտրոնական բանկն ընդունել է նոր որոշում: Կարդացեք այդ որոշման 2.2) դրույթը: Իմ հասկանալով, ՀՀ բանկերը պետք է մոտակա վեց ամիսների ընթացքում իրենց կապիտալում չունենան ավելի քան 7% արտարժույթ: Դրանով, փաստորեն, բանկերին ստիպում են ազատվել իրենց արտարժույթից: Դրանով հավանաբար պայմանավորված վերջին օրերին դոլլարի կուրսի թեթևակի անկումը:
Այժմ բանկերը շահագրգռված կլինեն պահել դոլլարի կուրսը, որպեսզի իրենց կապիտալը չորակազրկվի:
Կապրենք, կտեսնենք թե ինչ է լինելու:

Կոմիտասի մահվան տարելիցը

Sun, 25 Oct 2009 05:25:15 GMT

Հոկտեմբերի 22-ին Կոմիտասի մահվան տարելիցն էր: Երեկոյան գնացել էի պանթեոն: Կանգնած էր Կոմիտասի արձանը` վեհ, միայնակ, բայց մոռացված:

Կար այսպիսի ֆուտբոլիստ

Fri, 23 Oct 2009 17:03:26 GMT

Սաֆարովից առաջ եղել է Ասալա

Sun, 18 Oct 2009 04:30:09 GMT

Երկու օր առաջ "Կենտրոնով" ալիքով Պետրոսի մոտ քյալլա էին տալիս ֆուտբոլային մեկնաբան Սուրեն Բաղդասարյանը, մի ջահել տղա ու մի կին լրագրող: Դեռ ամեն ինչ յոլա, բայց հենց որ հարցը հասավ Հրանտ Դինքին ու Գուրգեն Մարգարյանին, ջահել տղան ասաց.

- Նախքան իրենց մեղադրելը պետք չէ մոռանալ, որ մենք էլ Ասալա ենք ունեցել:

Մի քանի ամսից, մեկ էլ տեսար սկսին ցեղասպանությունն արդարացնել նրանով, որ "ՄԵՆՔ ԷԼ ԹՈՒՐՔԵՐԻՆ ԵՆՔ ՍՊԱՆԵԼ"

Նորմալ ա, ժամանակի ընթացքում Թ-ն էլ կավելացնեն

Sun, 18 Oct 2009 04:18:27 GMT

Tue, 13 Oct 2009 05:05:19 GMT

Փողոցում տեսա Մարկ Գրիգորյանին markgrigorian: Բարևեցինք, ժպտացինք ու անցանք:
Նա էլ մնաց լոկ վիրտուալ: Ամբողջ կյանքումս միայն Աչոնն է եղել, որ վիրտուալից դարձել է իրական:
Միգուցե մոտս ապավիրտուալանալու ֆոբիա կա:

Էլի շախմատը հաղթում են

Thu, 08 Oct 2009 05:08:31 GMT

Գաբրիել Սարգսյանն ու Վլադիմիր Հակոբյանի համար բարի ավանդույթ է դարձել թիմային մրցույթների ժամանակ ցուցաբերել հիասքանչ շախմատ: Ավանդույթը շարունակվում է նաև Եվրոպայի ակումբային մրցաշարում, որտեղ ՄԻԿԱ ակումբը ներկայացված է Հայաստանի հավաքականով: Երկրորդ և երրորդ տուրերում Միկան հաղթեց Գաբրիել Սարգսյանի հաղթանակների շնորհիվ: Իսկ ահա երեկ Արոնյանը, Պետրոսյանն ու Սարգսյանը ոչ-ոքի խաղացին, Վլադիմիր Հակոբյանը հաղթեց, իսկ Զավեն Անդրեասյանը պարտվեց: Ամեն ինչ պետք է որոշվեր Արման Փաշիկյանի պարտիայում, որտեղ հայ շախմատիսիտը պարտվում էր: Եվ ահա, սուղ ժամանակի պայմաններում մրցակիցը թույլ տվեց կոպիտ սխալ և կորցրեց նավակը: Այսպես պարտված տուրը վերածվեց հաղթանակածի:

Հարևանության դասերը

Thu, 08 Oct 2009 03:37:28 GMT

Բնակվում ենք իններորդ հարկում: Մի օր ութերորդ հարկի հարևանն եկավ ու խնդրեց, որ թույլատրենք իններորդ հարկի և տանիքի արանքում փոքրիկ խորդանոց սարքեն: Մայրս դեմ էր, հայրս չեզոք, բայց թույլատրեցին: Կառուցեցին խորդանոցը` իրենց ասածից մեծ: Բայց դե հարևաններ ենք, պետք է յոլա գնանք: Անցավ ժամանակ: Այդ հարևանները մեկնեցին ԱՄՆ, եկան իրենց հեռավոր բարեկամները: Սրանք էլ քանդեցին այդ խորդանոցն ու ավելի մեծը սկսեցին կառուցել: Սկսվեցին անախորժությունները:

Հայ-թուրքական պատմաբանների հանձնաժողովի նպատակների շուրջ ամեն ինչ մշուշոտ է: Հենց դա էլ մտահոգիչ է: Առ այսօր ոչ-ոք կոնկրետ չի հայտարարել, թե ինչ նպատակներ է հետապնդելու պատմաբանների հանձնաժողովը: Նույնիսկ եթե այն ստեղծվի աննպատակ, վստահ եմ, որոշ ժամանակ անց նրա հիմքում կդրվեն նպատակներ, իսկ եղածները հանգիստ կփոխվեն: Չէ՞ որ ամենադժվարը հանձնաժողովի ստեղծումն է: Իսկ սա "Մարտի մեկի" հանձնաժողով չէ, որ ոնց ուզենան բացեն, ինչ ուզենան անեն ու ինչ ուզենան ներկայացնեն:

Տրամաբանական խնդիր 6

Mon, 05 Oct 2009 11:07:59 GMT

Շախմատի մրցաշարին մասնակցում են 8 շախմատիստ, որոնցից բոլորն իրար հետ խաղում են մեկական անգամ: Մրցաշարի ավարտին պարզվում է, որ բոլոր մասնակիցները վաստակել են տարբեր քանակությամբ միավորներ, իսկ երկրորդ տեղը գրաված մասնակիցը հավաքել է նույնքան միավոր, որքան 5,6,7 և 8 տեղերը գրաված շախմատիստները միասին:
Հարց: Ինչպե՞ս են իրար հետ խաղացել 3 և 7 տեղերը գրաված շախմատիստները:

System Requirements. Իմանալ, որ հաղթանակի դեպքում վաստակում են 1 միավոր, իսկ ոչ-ոքիի դեպքում 0.5 միավոր:

նախապայմաններ չկան

Sun, 04 Oct 2009 17:27:28 GMT

կան նախապահանջներ

Ռեանիմանիան ունի ռեանիմացիայի կարիք

Sun, 04 Oct 2009 16:26:32 GMT

Շաբաթ օրը սկսվեց Ռեանիմանիա2009-ը: Մտահղացումը լավ, իրականացումը` վատ:

Այն ինձ համար սկսվեց 18:30` Նարեկացի արվեստի կենտրոնում: Դահլիճում հինգ հոգի էինք, իսկ կազմակերպիչներից ոչ-ոք չկար: Կենտրոնի աշխատողներից մեկից տեղեկացանք, որ մի տղա կար, գնաց դիսկը բերելու: Սպասեցինք, 19:00 եկավ դիսկով տղան ու միացրեց: Չորս հատ երեք րոպեանոց հոլովակներ էին, որոնք կարելի էր յութուբով նայել:
Հետո "Մոսկվա" կ/թ-ում էի: Դրսում որտեղ բացօթյա ներկայացում էր, իսկ կինոթատրոնի աստիճանների մոտ երեխա էր ուշաթափվել: Իսկ ներսում բացման անշուք ու անբովանդակ արարողությունն էր: Երբ սկսվեց մուլտֆիլմը, պարզվեց, որ հայերեն սուբտիտրերը հավաքել է հայերենից առանձնապես գիտելիք չունեցող մարդ, իսկ ստուգել է ավելի անգրագետ մեկը: Ու ամենաահավորն այն էր, որ սուբտիտրերը ցուցադրվում էին ոչ թե մուլտֆիլմի էկրանի ներքևում, այլ հենց էկրանի վարի մասում: Այդ իսկ պատճառով հաճախակի անհնար էր լինում կարդալ սպիտակ ֆոնի վրա հայտնված բառերը: Գոնե լավ է, որ մուլտֆիլմն էր շատ լավը:
Այսօր էլ վիճակն առանձնապես չէր տարբերվում երեկվանից: Նաիրի կինոթատրոնում կար երկու ցուցադրություն 15:00 և 17:00 (երկուսն էլ նույն դահլիճում): Միայն ասեմ, որ 15:00 գերմանական ֆիլմերի ցուցադրությունն ավարտվեց 17:30 ու խեղճ Բրունո Բոզետտոյի երկրպագուները ստիպված էին դրսում սպասել:

Հայերի անհավանական արկածները Փարիզում

Sat, 03 Oct 2009 05:48:36 GMT

Անլուրջ միտք

Wed, 30 Sep 2009 03:55:13 GMT

Պատկերացրեք, որ որոշում ընդունեն, որ երեք անգամ պողոտա կատեգորիայի փողոցը սխալ անցնելու դեպքում զրկում են ... ՀՀ քաղաքացիությունից: Ծածաղելու է թվում, բայց մեկ էլ տեսար ընդունեցին:

Մեղավորը

Mon, 28 Sep 2009 07:15:49 GMT

Եթե հայ-թուրքական բանակցությունները հայերի համար վատ ավարտվեն, ապա մեղավոր կճանաչվի ՈՒԵՖԱ-յի այն չինովնիկը, որի թեթև ձեռքով Հայաստանն ու Թուրքիան ընկան միևնույն խմբում

Sat, 26 Sep 2009 16:12:51 GMT

Եվ կրկին Մանչեսթրը Չելսիից առաջ է:

Ասում են չի եղել

Mon, 21 Sep 2009 17:39:19 GMT

ՀՀ նախագահի մամուլի խոսնակ Սամվել Ֆարմանյանը, պատասխանելով Московский Комсомолец օրաթերթում տպագրված Սերժ Սարգսյանի հարցազրույցի մասին հարցին, նշել է, որ Սերժ Սարգսյանի հետ հարցազրույցն իրականում ոչ այլ ինչ է, եթե ոչ այդ թերթի լրագրող Եկատերինա Սաժնևայի հիվանդ երևակայության արդյունքն է:

http://tert.am/am/news/2009/09/21/nointerview/

5 շրջան հանած, երկուսը մտքում

Mon, 21 Sep 2009 08:18:50 GMT

ՄԻ քանի օրից էլ դրամը քաքմեջ կլինի ու Ղարաբաղի մասին բոլոր խոսակցությունները կանցնեն երկրորդ պլան:

Հիմա 20.09. 2009, ժամը 20:09

Sun, 20 Sep 2009 15:11:44 GMT

Հիմա 20.09. 2009, ժամը 20:09

Հրավիրում ենք հացադուլի

Thu, 17 Sep 2009 09:11:57 GMT

Հացադուլի ժամերը 9:00-21:00, ընդմիջում 13:00-13:40
Դեռ թափուր տեղեր կան, կատարվում է ընդունելություն

ԵՊՀ բակում վճարովի ավտոկանգառ

Thu, 17 Sep 2009 05:58:09 GMT

Ավտոմեքենայով ԵՊՀ գնացող մարդկանց համար մեծ խնդիր է ավտոկանգառ ճարելը: Առավոտյան 8:20 մինչև 14:00 Ալեք Մանուկյան ու Չարենց փողոցները, ինչպես նաև կիրառական մաթեմատիկայի ու ինֆորմատիկայի ֆակուլտետի բակը լցված են մեքենաներով: Մեքենա կանգնեցնելու տեղ չկա: Հավանաբար դա էր պատճառը, որ այսօր զանգահարեցին ֆակուլտետից ու ասացին.

- Սմբատ, համալսարանի մոտ ավտո կանգնեցնելը վճարովի են սարքել, եթե ուզում ես, որ ավտոյիդ համար տեղ ունենաս, ապա շտապ մեքենայիդ համարներն ասա:

Նույն կերպ Լոնդոնում են պայքարում մեքենաների շարժի դեմ` քաղաքի կենտրոն մուտք գործելը սարքելով վճարովի: Հայաստանը որդեգրում է եվրոպական լավագույն փորձն ու սկբունքները: Շարունակել այսպես:

ՀԳ. Արդյունքում, գրեթե վստահ եմ, որ դասախոսներից շատերը ստիպված կլինեն դասի գալ ոտքով, իսկ ուսանողները կօգտվեն վճարովի ավտոկանգառից:

Երկար ցիկլ-նախադասություն

Sun, 13 Sep 2009 05:15:23 GMT

Անգլիայի պրեմիեր լիգայի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը, որով կարող եք դիտել Անգլիայի պրեմիեր լիգան, որի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը, որով կարող եք դիտել Անգլիայի պրեմիեր լիգան, որի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը,որով կարող եք դիտել Անգլիայի պրեմիեր լիգան, որի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը, որով կարող եք դիտել Անգլիայի պրեմիեր լիգան, որի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը, որով կարող եք դիտել Անգլիայի պրեմիեր լիգան, որի հեռարձակման հովանավորն է ՍԵՆԱՏՈՐ խաղատունը, որտեղ կարող եք տանուլ տալ Ձեր հեռուստացույցը, որով կարող եք դիտել Անգլիայի պրեմիեր լիգան:

Մեքենաս ծախում եմ

Thu, 10 Sep 2009 12:50:38 GMT

Չէի կարծում, որ ստիպված կլինեմ մեքենաս վաճառել: Եթե գիտեք մարդու, որը կարող է գնել, խնդրում եմ միջնորդեք: Opel Vectra B - CD X, 1.8 լիտրանոց Eco Tec շարժիչով, 4 դռնանի, շագանակամետալիկ գույնի, մեխանիկական փոխանցման տուփով:

Սայթաքում

Thu, 03 Sep 2009 17:34:57 GMT

Սայթաքումները լինում են երեք տեսակ` սառույցի վրա, հողի վրա և լեզվի սայթաքում: Եթե սառույցի ու հողի վրա միտումնավոր սայթաքում են միայն դերասանները` ֆիլմի նկարահանման ժամանակ, ապա լեզուն իրական կյանքում էլ սայթաքեցվում է միտումնավոր: Օրինակ, նախանձ հարևանուհին լեզվի սայթաքումով տեղեկացնում է, որ իր հարևանուհու ամուսինը սիրուհի ունի: Իմ ռազմագիտության դասատուին ամեն հարմար առիթով подполковники փոխարեն ասում էինք "подоколник": Մարդ էլ կա սահման բառի փոխարեն պատահաբար միջանցք է ասում: Դա դեռ ամենամեծ թյուրիմացությունը չէ: Պատկերացրեք եթե հակառակը լիներ, գործի տեղը նստած քարտուղարուհուն ասեր.

- Այ աղջիկ, բոլորին ասա, որ սահմանի դռները փակեն:

Նոր համաձայնագիր

Thu, 03 Sep 2009 09:36:21 GMT

Հավանաբար դեկտեմբերի վերջերին նոր համաձայնագիր կլինի, որտեղ Հայաստանին կառաջարկվի ԼՂՀ հանձնել Ադրբեջանին, փոխարենը հնարավորություն ընձեռելով Ստեփանակերտի և Շուշիի հրապարակներում, ինչպես նաև մայրուղիների վրա տեղադրել մեկական Web camera-ներ: Տեսախցիկները միացված կլինեն ՀՀ Ազգային Ժողովի նիստերի դահլիճի էկրանին, ինչը կհանդիսանա ԼՂՀ-ում բնակվող հայության անվտանգության երաշխիք: