smbatgogyan

Ռոստով քաղաքում բնակվող երկու եղբայր (մորաքրոջ տղա) ունեմ: Երկուսն էլ նույն խելքի են: Երկուսով մի ավտո են քշում: Անցած շաբաթ, երբ ղեկին էր Վահեն, նրան էր հարվածել այլ մեքենա: Մի-քանի օր արհեստանոցում մնալուց հետո մեքենան կարգի բերվեց: Երեկ էլ մյուս եղբայրս գնաց արհեստանոց, որ մեքենան տուն բերի ու ահա թե ինչ վիճակում մեքենան հասցրեց մեկ այլ արհեստանոց: Բարեբախտաբար ավտովթարի ժամանակ եղբայրս մարմնական վնասվածքներ չստացավ:

Լևոն Տեր-Պետրոսյանը նախագահ դարձավ 46 տարեկան հասակում,
Ռոբերտ Քոչարյանը` 43 տարեկանում,
Իսկ Սերժ Սարգսյանը` 53 տարեկանում:

Փաստորեն Սերժ Սարգսյանն ունի բոլոր նախադրյալները պատմության մեջ մտնելու որպես Հայաստանի Հանրապետության ամենաիմաստուն նախագահ:

ՀԳ. Համ էլ պարզվում է, որ Սերժ Սարգսյանը 2 ամսով մեծ է Ռոբերտ Քոչարյանից:

517design-ի գրառմանն ու այդ գրառման մեկնաբանություններում bigsauron-ի հարցին ի պատասխան Ձեզ եմ ներկայացնում ոմն կրպակում թերթավաճառի մտքի թռիչքը:

Ազնիվ խոսք չէի սպասում, որ Մայքլ Ջեքսոնի համար այդքան մարդ դարդ կանի:

Պարսկահայ ուսանողներիցս մեկն ասաց, որ Իրանի ոստիկանները մտել են ԲՈՒՀ-եր, ձերբակալել ուսանողների, իսկ ամենաակտիվներին կախել են: Բացի դրանից փողոցներում մարդկանց վրա ինտենսիվ կերպով կրակում են:

Բացի դրանից կարծես թե այնտեղ անջատվել է ինտերնետ կապը:

Ծնունդը

Գիտությունների Ակադեմիայում	ոչ մի բան	0 դրամ
ԵՊՀ	մի շիշ կոնյակ ու բանբաներկա	4000 դրամ
Մակադամիանում (անցած օրեր)	տորթ, հյութ ու գինի	10.000 դրամ
Կենտրոնական բանկում	մրգեր, տորթեր, հյութ, գինի, կոնյակ	20.000 դրամ
Տանը	խառը	անգին

( Եզրակացություն )

ՄԻ անգամ Սևանն ասաց, որ վրացիները չեն ձգտում իրենց ավտոմեքենաների համար GOLD համարներ ունենալ: Այդ իսկ պատճառով այնտեղ ավտոմեքենաների համարներ աճուրդով չեն վաճառվում: Այնտեղ կա համար վերցնելու երկու տարբերակ, վճարում ես 20 լարի ու տալիս են առաջին իսկ պատահածը, կամ էլ վճարում ես 45 լարի ու ընտրում ցանկացած ազատ համար: Վրացիները նախընտրում են առաջին տարբերակը, իսկ վրաստանի հայերը` երկրորդ:

Եթե վրաստանում հանդիպեք XDR, BOZ,... սերիաների համարներ, ապա իմացեք, որ ղեկին նստած է վրացի: Իսկ եթե հանդիպեք DON, TON, IJI, OOQ, ARM,... սերիաների համարներ, ապա ղեկին հայ է: Օրինակ, Սևանի մեքենայի համարն է ZIG-777, իր հոր մեքենայինը NAT-111, իսկ մյուս քեռուս որդունը SJL-777:
Բայց վերջին անգամ մի տարօրինակ համար տեսա ` CQG սերիայով: Այդ համարը պարզ չէր, վրացու է պատկանում, թե՞ հայ ծրագրավորողի:

Ուրեմն մի-քանի օր առաջ երեկոյան ավտոյով գնում էի, մեկ էլ զգում եմ, որ դիմացովս գնացող տաքսին օրորվելով է առաջ գնում: Զգուշացա, ընթացքս դանդաղեցրեցի ու մեկ էլ նկատեցի........ տաքսիի հետևը երկուսով իրար են փաթաթվել ու համբուրվում են: Խեղճ տաքսիստ, երևի այդ օրվանից դադարեց տաքսիստ աշխատել:

Այսօր էլ Հանրապետության Հրապարակով բարձրանում էի, մեկ էլ այդ սիրահար զույգին տեսա` այնքան մտերմիկ էին զրուցում, այնքան քնքշորեն էին իրար նայում, որ մարդու նախանձ էին առաջացնում: Բարեբախտաբար հաջողվեց ֆիքսել այդ սրտատրոփ պահը:
( Ահա և նրանք )

Թագավորին հյուրընկալելու համար դուքսը պատրաստվում է 240 տակառ գինի բացել: Սակայն թագավորի ժամանելուց երկու օր առաջ դուքսի ծառաները բռնում են հարևան դուքսի ծառային, որը խոստովանում է, որ տակառներից մեկը թունավորել է, և որ այդ տակառից գոնե մեկ կաթիլ խմողը 24 ժամվա ընթացքում կմահանա: Սակայն նա չի ասում, թե որ տակառն է թունավորած:
Դուքսն ունի 5 ծառա: Ինչպե՞ս գտնել թունավոր տակառը:

Թարմացված: rubywedge լուծեց խնդիրը, ներկայացնում եմ այլ լուծում` 243 տակառի համար

( Լուծում և ընդհանրացում )

Ինչպես տեղեկացա dabavog-ից Հունիսի 20-ին Երևանում տեղի կունենա հայազգի հռչակավոր երգիչ Արմեն Գոնդրաչյանի բացառիկ համերգը:
( Հետաքրքիր է, իսկ ո՞վ է Արմեն Գոնդրաչյանը )

2004, 2006 ու 2007 թվականներին Ֆեդերերը հաղթեց "Մեծ սաղավարտի" երեք մրցաշարերը, սակայն չհաղթեց Ռոլան Գարոսում: 2009 թվականին նա հաղթեղ Ռոլան Գարոսում, բայց չհաղթեց Ավստրալիայի բաց առաջնությունում: Դե խմենք այն բանի կենացը, որ իրականանան ոչ միայն նպատակները, այլ իրականանան անհրաժեշտ պահին:

ՀԳ. "Մեծ սաղավարտ" ստանալու համար պետք է մեկ տարվա ընթացքում հաղթել բոլոր չորս մրցաշարերը

Если бы имел 4000$ то купил бы 40 таких штук и мои студенты учились бы на отлично.

http://nnm.ru/blogs/Katyonok08/study_ball_ili_kak_povysit_uspevaemost/

Թարգմանված է http://www.armeniapedia.org/index.php?title=Yertughayin_Taxi կայքից

Երթուղային տաքսին Երևանում երթևեկելու ամենաէժան տարբերակներից մեկն է: Երթուղային տաքսին արժե 100 դրամ և այն կարող եք հանդիպել ամենուրեք: Սովորաբար այն անվանում են մարշրուտկա կամ մարշրուտնի: Երթուղային տաքսին երկար ֆուրգոն է, որը շարժվում է քաղաքով` ֆիքսած երթուղով:

Երթուղային տաքսին իրավունք ունի կանգնել միայն կանգառներում, սակայն քաղաքի արվարձաններում նրանք կանգնում է ուղևորին հարմար ցանկացած վայրում:

Երթուղայինի համարն ու երթուղու հիմնական ճանապարհները նշված են պատուհանին (հայերեն լեզվով)...

Վերջում բերված են Երևանի բոլոր երթուղայինների երթուղիները: Կարդացեք ու սովորեք:

Երթուղայինի վարորդ կա, որ տրանսպորտի մեջ փակցնում է "Իջնողը զգուշացնի նախՈրոք" արտահայտությունը:
Գործարար կա, որ իր խանութի ցուցանակին գրում է "Թարմ կարմրախայԾ":
Պետություն կա, որ ճանապարհի ուղենիշի վրա գրում է հետևյալը



( Ով որ չջոգեց, ասեմ, որ... )

karmir-ն Հայաստանում տեղի ունեցող դրական երևույթներից նշել էր "Որբեր" հեռուստասերիալը, նշելով, որ այն կարևոր հարցեր է բարձրացնում: Միգուցե մտահղացումը լավն էր, սակայն սերիալն ինձ համար ոչ մի արժեք չի ներկայացնում:
Այդ սերիալը հավանող բոլոր անձանց (չհավանողներին առավել ևս) առաջարկում եմ դիտել ռեժիսոր Ալեքսանդր Լասլոյի 80 րոպեանոց "Յարիկ" ("Ռոբինզոն Յարիկ") ֆիլմը:



Ֆիլմում պատմվում է վեց տարեկան երեխայի մասին, որը մոր հետ ժամանում է Մոսկվա` հորը գտնելու նպատակով, և շատ շուտ որբանում է: Մոսկվայում թափառելու ընթացքում նրան են հանդիպում տարբեր լավ և վատ մարդիկ: Լավ մարդկանց թվում է Մոկսվայում գրանցում չունեցող հայ էմիգրանտը, որը Յարիկին շալախո պարել է սովորեցնում: Իսկ ֆիլմը դիտելուց հետո զգում ես, որ իրոք մարդկությունը հատել է բարոյականի բոլոր սահմանները, որ պետք է փոխվել դեպի լավը: Մի խոսքով խորհուրդ եմ տալիս դիտել այդ փոքրաբյուջե ֆիլմը: Ֆիլմի մասին ավելի մանրամասն այստեղ
http://www.ruskino.ru/robinzon_yarik/

Հարգելի ընկերներ: Ո՞վ է պատրաստ բարենպաստ եղանակային պայմանների դեպքում այս կիրակի բարձրանալ Արագած:

http://picasaweb.google.com/gogyan/Aragac15162008#

http://picasaweb.google.com/gogyan/20080608#

Այս անգամվա ընտրությունների միջոցով հեղափոխության փորձը կարելի է անվանել "Իներցիայով հեղափոխություն":

Այցելեք, այցելեք ու չեք փոշմանի:

http://takuhi.com/